Rintea hla thar 'Ka lawm zel ang'

Albatross vocalist Rintea chu hun eng emaw chen a reh hnuah hla thar nen a rawn kir leh ta.

Rintea hla thar hi 'Ka lawm zel ang' tih a ni a, a unaupa Sangtea phuah niin, Sangtea chuan engkima lawmna hla a ni ber mai tiin he hla chungchang hi a sawi.

'Ka lawm zel ang' ah hian Albatross guitarist Hmingpuia guitar play mawi tak ngaihthlak tur a awm bawk. Recording hi Blue Wave Records kut chhuak a ni a, video hi RDS siam ni bawkin, Zonet lamah hmuh theihin an dah chhuak tawh bawk.

Rintea leh Hming­puia thawkdunin hla thar an tichhuak hi a hlu hle a, a hla bakah music pawh a mawi lo thei lo. Albatross hunlai aṭang tawha combination ṭha anni tawh a, tuna Rintea hla thar pawh hi ngaihthlak manhla tak a ni.