Pearl Jam album thar 'Dark Matter' a chhuak ta

American rock band, kum 1990-a din, Pearl Jam chuan April 19 khan an studio album 12-na, 'Dark Matter' an tichhuak.

'Dark Matter' hi Taylor Swift 'The Tortured Poets Department' album nena an tihchhuah ni a inan avangin a hliahkhuh hneh viau a, hei vang hian Pearl Jam leh rock fan lam pawh a lawm vak lo. He album-ah hian hla 11 awmin, hei hi an band-in kum li chhunga full-length studio album an puitlin lehna hmasa ber a ni. Album thara an hlate hi track no. 9 tih loh chu Pearl Jam leh Andrew Watt-te siam vek niin, track no. 9-ah erawh Josh Klinghoffer a tel ve a ni. Pearl Jam hi kum 2017 khan Rock and Roll Hall of Fame-ah lak luh an ni tawh a, Billboard 200 chart-ah no. 1 ni thei album panga neiin, an album-te hi copy maktaduai 85 chuang an hralh tawh. Band member hi panga - Eddie Vedder, Jeff Ament, Stone Gossard, Mike McCready, leh Matt Cameron te an ni.