Eminem - ruihhlo lakah kum 16 a fihlim ta

Iconic rapper, Marshall Mathers, a stage name Eminem chuan April 20 kha ruihhlo laka a fihlim kum 16-na a nih thu a sawi. Hei hi atana hnehna mai a ni lo a, mi tam tak ruihhlo avanga harsatna tawkte tana beiseina siamtu pawimawh tak a ni.

'Lose Yourself' rapper hian kum 2008-a methadone overdose vanga harsatna a tawh hnuah, ruihhlo laka fihlim tum hian a bei chho ṭan a ni. Overdose vanga a nunna a chan ṭhelh thu leh, ruihhlo nghei tura a beih chhoh dante a sawi. A ngawlveina aṭanga talchhuak tura a beihna kawngah physical exercise te a lak ṭhat thu sawiin, hei hi rilru leh taksa hriselna atan a pawimawh hle. Eminem hian ngawlveina avanga harsatna a tawh leh, a talchhuahna tura a beih chhoh dan sawite hi a hreh ngai lo a, a thil tawnte hi sawi foin, hei hi mi tam takin, amah anga harsatna tawkte fuihtu ṭha tak a ni fo a ni. A music, public statement leh a documentary a produce aṭangte pawhin ruihhlo lak aṭanga talchhuah chu mimal dinhmun siamtu chauh ni lo, an hnathawh leh khawvel nena na inzawmna siam ṭhatu pawimawh tak a nih thute a tarlang.