David Beckham-a'n Mark Wahlberg a khing

Footballer hlui, David Beckham chuan actor Mark Wahlberg chu fitness deal chungchangah a khing.

Beckham company, DB Ventures Ltd. chuan Wahlberg-a'n share a neihna, fitness brand F45 tana global ambassador tura Beckham an rawih chungchangah, a share tur an pek mai loh avangin sum tam tak a chân phah niin a tarlang. Beckham hi F45 promote-na tur social media post eng emaw zatah a lang a, mahse, hengte hi delete vek an ni tawh. Inremna an siamah hian Beckham hi company-a share pek ve tur leh, hengte hi kum 2022 kum tir lamah pek vek tura tih a ni. Mahse company lam hian an tikhawtlai zel a, an share hlutna pawh a lo hniam zel a, hei vang hian Beckham hian a hlawh tur aṭangin pound mtd 8.5 vel a hloh phah ta niin a company chuan a sawi. Mark Wahlberg Investment Group bakah, F45 founder Adam Gilchrist leh Rob Deutsch-te pawh a khing bawk.