Ozzy-a'n Black Sabbath bench tlawh ngei a tum

Heavy metal star, Ozzy Osbourne chuan Birmingham khawpuia Black Sabbath bench chu tlawh thuai a tum tih sawiin, bawkvaka kal ngai pawh ni se a tlawh dawn tih a sawi.

Kum 75 mi ni tawh, Osbourne hian kum 2020 khan Birmingham-a Commonwealth Games closing ceremony-a a play hmain Parkisons's disease a vei thu a puang. Heti chung hian rimawi lam a chawlhsan chuang lo a, nikum khan tour a chawlhsan chauh a ni. Black Sabbath bench hi kum 1968-a Birmingham-a heavy metal band din, Black Sabbath chawimawina atana siam a ni. Broad Street-ah awmin kum 2019 khan hawn a ni a, tualchhung mi leh khualzinte hiptu lar tak a ni chho a ni.