Simpsons fan-te'n Larry the Barfly an sûn

Comedy series, The Simpsons episode thar berah fan-te character ngainat tak mai, Larry the Barfly, aka Larry Dalrymple a thih avangin fan-te an sûn a, social media lamah pawh an sawi zui nasa hle.

The Simpsons episode hmasa ber hi kum 1989 December thla khan American broadcaster Fox-ah pek chhuah ṭan niin he show hi a lar chho hle a ni. Episode thar ber hi episode 765-na niin, 'Cremains the Day' tih a ni. Chhuah a nih aṭanga kum 35-naah, fan-te lawm tak, Larry the Barfly hi a thi ta a ni. He episode-ah vek hian a vawi khatna atan a hming pum hi tarlan a ni bawk. Episode thar tihchhuah a nih hma hian, kum 1997 aṭanga The Simpsons ziaktu, Matt Selman chuan an character pakhat a thi dawn tih hi a lo sawi lawk a ni.