Shah Rukh-te pafa chang dun dawn

Bollywood superstar, Shah Rukh Khan chu a fanu, Suhana Khan nen action thriller film an chang dun dawn.

Shah Rukh-te pafa channa tur hi 'The King' tih a ni dawn a, Sujoy Ghosh-a'n direct in, SRK nupui Gauri Khan leh Siddharth Anand-te'n an produce dawn a ni. Film team hian action sequence atan international stunt team pawh an thawhpui mek nia sawi a ni. 'The King' hi mentor leh a disciple zinkawng hautak tak chanchin a ni dawn a, Suhana Khan hi a pa, King disciple a ni dawn a, hemi atan pawh hian action training hautak tak a nei dawn bawk. He project atan hian SRK hian a invest hnem hle a, a budget hi Rs. vbc 200 dawn nia sawi a ni. Nakkum kum chanve hnu lama release hman tum a ni.