‘The Tortured Poets Department’ boruak a la lian zel

Taylor Swift album thar, ‘The Tortured Poets Department’ chuan rimawi khawvelah boruak a la nei lian zel.

April 19-a tihchhuah, ‘The Tortured Poets Department’ hian tlangzarh nia Spotify-a ni khat chhunga stream ngah ber record a siam nghal a, record dang pawh a siam belh zel. April 19-22, ni li chhungin he album (deluxe edition)-a hla 31-te chuan US-a on-demand official stream mtd 602.3 an nei hman a, 2022-a kar khat chhunga album stream ngah ber record, 'Midnights' album hmanga a lo siam tawh chu ni li chhungin a rawn khûm der tawh. Kar khat chhunga copy hralh tam lamah pawh ‘The Tortured Poets Department’ hi 2015-a Adele '25' hnua hralh tam ber a ni.