Enrique leh Kournikova-te'n naute thar an nei

Anna Kournikova leh Enrique Iglesias-te chuan an fa pathumna turin naute thar an nei tih Enrique unaupa Julio Iglesias Jr. chuan a sawi.

Chilean radio station ADN in an kawmnaah hemi chungchang hi a sawi chhuak a, mahse thuchuang erawh engmah a sawi duh lo thung. A unaupate nupa hian fa thar an nei ngei tih chiah a sawi lang a, hmeichhia nge mipa an nei ti pawh a sawi lang duh lo bawk.

"Thuruk a ni a, ka unaupa chuan fa pathum a nei tawh a ni. Amah pawh a hlim hle," tih zawng a sawi duh a ni.

Enrique leh Anna hian a hma in phir- Lucy leh Nicholas an nei tawh bawk a, anni hi kum hnih an tling ve tawh bawk. Anna rai leh chung­chang hi engmah an tarlang lo a, mahse Spain Hola! magazine chuan tunhnai lawk khan a rai tih hi a tarlang thung.