Mizo film thar 'DÂKPU' chu a chhuak dawn ta

Mizo film chhuak thar tur zinga nghahhlelhawm tak, 'Dâkpu' chu zanin dar 8 hian Vanapa Hall-ah release a ni dawn ta. Dar 7-ah red carpet buatsaih a ni ang. Zanin aṭang vekin Lersia Play-ah lei theihin chhawp chhuah nghal a ni ang.

Zanina film release-naah hian Dâkpu OST phuahtu leh satu, Young Fella pawh a inlan dawn. A hmuna en duh tan ticket hi Rs. 100 man niin Vanapa Hall-ah hian chhun aṭangin lei theihin a awm ang.

'Dâkpu' film-ah Mizo film chang thiam kan neih ṭhat ber ber; Alex-a, Adama, Hruaia Sailo, Msi, Sangtei Renza, Maruata Rawite, Joe bakah midang chang thiam tak tak kan hmu dawn a ni.

He film hi Amawii Hero sponsor niin, Director hi V. Zochhuanmawia a ni. Chiangtea Videography kutchhuak a ni a, script hi Chiangtea ziah niin screenplay hi Nuna Hrahsel a ni. Background Score hi Ben Opa kutchhuak niin, VFX hi Vtech Entertainment te an ni.