Scarlett Johansson-in pasal a nei

Hollywood star Scarlett Johansson chuan kar tawp liam taah khan ceremony lian lem lo takah a pasal hual Colin Jost chu tiam tlat e a tihpui ve ta niin Meals on Wheels chuan an tarlang.

Meals on Wheels hi US-a hmunpui nei kum upate tana charity pawl an ni a, Johansson pasal neih thu an tarlan pah hian Johansson leh Jost-te hian an charity chu hripui leng karah ṭha taka an thlawp ṭhin thu an tarlang tel a ni.

Instagram lamah Johansson-te inneih chungchang hi Meals on Wheels chuan tarlangin chhungkhat leh ṭhian ṭha hnaivai takte chiah an kal tih leh hei hi  Covid-19 vanga himna an ngaihtuah vang a nih thu an tarlang.

BBC chuan Johansson aiawha pasal a nei ngei a ni tih tichiangtu an awm tawh thu tarlangin TMZ chuan Palisades, New York-ah an innei tih an tarlang ve bawk.

Scarlett Johansson leh Colin Jost-te hi kum 2017 vel aṭang khan an inzui ṭan a, nikum May khan an inhual thu puangzarin tunah chuan an inkutsuih ve ta a ni.