TV show thar No Cover-ah Alice Copper leh Lzzy Hale

American music magazine lar Hit Parader chuan music competition lam hawi TV show thar No Cover a buatsaih dawn a, hetah hian Alice Cooper, Bishop Briggs, Gavin Rossdale, Lzzy Hale leh Tosin Abasi-te chu judge an ni dawn tih an puang.

Zaithiam Kellin Quinn leh radio personality Caity Babs chuan he show hi an host dawn bawk a ni. Main show piah lamah behind-the-scene-te pawh tih lan thin ni dawn a, BTS lamah hian TV/radio personality leh music industry veteran Matt Pinfield chuan interview a lo neih ve leh thin bawk ang.

Show-a tel duh te chuan tunah hian application an theh lut thei tawh reng a, kum bithliah a awm lo. Originality an nei tha em, an performance a tha e tih te leh an hla sak kha a thu a tha tawk em tih te chu an tehfung pawimawh a ni dawn a nih hmel.

No Cover season hmasa ber tu hi California-a West Hollywood hmuna Troubadour leh Sunset Marquis Hotal-ah neih tum a ni. He show-a winner hian rimmawi kaihhnawih contract tha tak tak an hmu dawn a, Sumerian Records, UTA leh Shelter Music Group management-te'n an thawpui dawn bakah DannyWimmerPresents, Nightbird Recording Studios leh Gibson-te hnen atang pawhin thil tha tak tak hlawh chhuah tur an nei a ni.