Eminem-a'n a album thar tur a puang

Witty wordplay bon tak nen Slim Shady a rawn che leh dawn, kumin nipuiah album thar 'The Death of Slim Shady (Coup De Grace)' a tichhuak dawn tih a puang a, a ni tak erawh sawi lan a ni lo.

Eminem hian NFL Draft broadcast-ah a inlan hnu lawkah social media-ah studio album 12-na tur, 30 second ad teaser pawh a tichhuak a ni, he ad-ah hian 50 Cent pawh a lang. Eminem album hnuhnung ber chu January, 2020-a a tihchhuah, 'Music to be Murdered By' kha niin, a che ṭhatpui leh hle a. Billboard 200-ah pawh no. 1 nihpuiin, a hit single, Juice World a thawhpuina 'Godzilla' chu Hot 100-ah no. 3 a thleng pha bawk. Kum 2022 khan Rock and Rock Hall of Fame-ah lak luh a ni a, hemi ṭum hian Dr Dre chuan a album thar tur hi a buaipui mek tih a lo puang daih tawh a ni.