'Mo sual' film ti-leak out-tu Cyber crime-in ko

Mizote'n lemchan khawvel lamah hma kan sawn zel a, film siam lama tuite'n sum tam tak leh ngaihtuahna, hun leh tha sengin film an siam a, hetih lai hian mi ṭhenkhatin an film-te an lo tih-leak out-sak ṭhin a, hei hi a pawi hle. Hetianga film ti-leak out ṭhinte hi dan hmanga hrem theih an ni.

Tun hnaiah 'Mo sual' film chu screen record-in a leak out a, film siamtu lamte'n FIR theh lut nghalin, a ti-leak out-tu pawh hriat a ni tawh a, nimin khan Mizoram police-a Cyber crime unit-in thu zawh fiah turin an ko. 'Mo sual' film director leh production crew chuan hetiang thil thleng hi pawi an ti a, film siamtute hmakhua atan leh awareness atan pawh, dik lo taka thil ti ṭhinte dang tur hian hma an lak zel tur thu an sawi a, film ti-leak out-tu hi a phu ang hremna pek a nih theihna nan theihtawpa an beih zel tur thu director Melody G Fanai chuan a sawi. Mipuite pawh hetianga dik lo taka thiltih awm ṭhin laka venpui turin an ngen.