Eminem album tharah Metro Boomin a tel ve chak

Metro Boomin chuan Eminem album tharah feature ve a châk thu a sawi. Slim Shady-a'n album thar a siam dawn tih a puan hnuah, 'Like That' hitmaker Metro Boomin hian thawhpui a châk thu a sawi ve nghal.

Kum 30 mi, hip hop artist/music producer hian X-ah Eminem thawhpui a châk hle tih hi tu emaw talin lo hrilh r'u tiin a ziak. Metro Boomin hi Eminem fan niin, a fakna thu pawh hi a sawi chhuak fo a, GQ magazine-in a kawmnaah a project 'Heroes & Villians' influence-tu pawimawh tak a nih thute pawh a lo sawi lang tawh a ni. Metro Boomin hi tunhnaiah a che ṭha hle a, Future nena an thawh dunna, 'We Don't Trust You' leh 'We Still Don't Trust You' te chu Billboard 200 album chart-ah no. 1 an kai ve ve a ni.