Favorite New Music-ah Anitta 'Funk Generation'

Billboard weekly poll buatsaihah, music fan-te chuan kar liam ta chhunga music chhuak thar zingah Brazillian star, Anitta album 'Funk Generation' chu an duh berah an thlang.

Vote thlaktu zingah 50% chuangin Anitta album thar hi an vote a ni. Kum 31 mi, Anitta hian a album thar pualin May thla hian a world tour hmasa ber tur a nei ṭan dawn. May 19-ah Mexico City-ah a ṭan dawn a, July 8-ah Ibiza, Spain-ah a khar ang. 'Funk Generation' hi a studio album parukna a ni a, he album hi 100% Brazilian musical genre a nih thu a sawi. Artist dang a thawhpuinate pawh a tel a, Dennis leh Pedro Sampaio a thawhpuina 'Funk Rave', 'Mil Veces' leh 'Joga pra Lua', bakah Sam Smith nena an thawh dunna 'Ahi' pawh a tel.