Nicole Kidman hnenah 49th AFI Life Achievement Award

'Aquaman' actress, Nicole Kidman chu lemchan lama a thawhhlawk avangin 49th American Film Institute Life Achievement Award hlan a ni.

Pathianni zan khan he chawimawina hi Los Angeles-a Dolby Theatre-ah Meryl Streep chuan Nicole Kidman hi a hlan a ni. Kidman hi a pasal Keith Urban leh an fanu pahnih, Sunday (15) leh Faith (13) te'n an ṭawiawm a, Hollywood star larte pawh an kal ṭha hle. Kum 56 mi, Kidman hi Australian actor zingah he chawimawina dawng hmasa ber a ni. AFI chuan Life Achievement Award hi 'American cinema-a chawimawina sang ber' tiin a sawi a, he chawimawina an hlan tawh zingah hian Meryl Streep, Julie Andrews, Denzel Washington, Robert De Niro, Martin Scorsese leh Steven Spielberg te pawh an tel. Nicole Kidman hian lemchan lama chawimawina pawh eng emaw zat a lo dawng tawh a, Academy, BAFTA, Golden Globe, Primetime Emmy leh Screen Actor Guild Awards te pawh a lo dawng tawh a ni.