Box Office: Zendaya channa 'Challengers' a chungnung

North American box office-ah Zendaya Coleman channa film thar, romantic sports drama chuan awlsam takin no. 1 dinhmun a rawn luah. US leh Canada-a theatre 3,477-ah tihchhuah niin, US mtd 15 a la lut.

Zendaya bialpa, Tom Holland chu he film-ah hian chang ve lo mah se, film promote-na lamah pawh a bialnu hi a pui ṭha hle. British actor hian a Instagram page-ah film poster-te post-in a lo ṭang hle. 'Challengers' ticket leitu zinga 58% hi hmeichia niin, audience zinga 41% chu kum 18- 24 inkar an ni.

No. 1 dinhmun rawn luah mah se, Luca Guadagnino film, R-rated drama "Challengers' hi USD mtd 55 budget hmanga siam a nih avangin hmabak a lo ko hle. Mahse reviews lam pawh a hmu ṭha a, audience-te pawhin average grade B+ an pe a, a la chet ṭhat chhunzawm zel a beiseiawm.

Newcomer dang 'Unsung Hero' chu no. 1 ah a rawn lang bawk a, USD mtd 7.8 a la lut. Faith-based film niin, Kristian rock duo, For King & Country indin chhoh dan chanchin a ni a, a siamna pawh a hautak loin USD mtd 6 chauh an seng a ni.

Top 5-ah hian USD mtd 7.2 lak luh belhtu, 'Godzill x Kong : The New Empire' chu no. 3-ah a la lang a, 'Civil War' pawhin USD mtd 7 hmuh belhin no. 4-ah a awm a, USD mtd 5.2 la luttu 'Abigail' chu no. 5-ah a lang bawk.