Miss Mizoram 2024 hnenah Vespa Scooter hlan

CK Cars, Vespa chuan nimin khan Miss Mizoram 2024 Jennifer Lalrinzuali Renthlei hnenah Vespa scooter a hlan.

Miss Mizoram hnena Vespa scooter hlanna hi CK Cars, 2 wheeler division-ah neih a ni a, CK group chairman K. Biakthianghlima'n Miss Mizoram 2024 hnenah hian chabi a hlan a ni.

CK Cars hi Mizo ṭhalaite Fashion Industry lama an kal zelna tura kawng sialtu pawimawh tak an ni a, eizawnna hmuh phahte an awm nual tawh a ni. Miss Mizoram 2017, Rody H. Vanlalhriatpuii leh Miss Mizoram 2018, T. Ramthanmawii te hnenah Vespa scooter hi an lo hlan tawh bawk. CK Cars hian Miss Mizoram 2024 mai bakah Mizoram ṭhalaite hmasawn zelna tur ngaihtuahpui an inhuam thu an sawi. Miss Mizoram 2024 hnena scooter hlannaah hian Zonet TV Pvt. Ltd. advertisement manager, T. Laldingliana bakah Miss Mizoram 2024 finalist-te an tel.

Miss Mizoram 2024 hian Vespa scooter bakah lawmman pawisa fai Rs nuai 2 a dawng bawk a ni. Hei bakah hian main sponsor, Directorate of Women & Child Development (WCD) chuan ambassador atan an hmang nghal a, Lash Studio-in deal ṭha tak an siampui bawk.