'The Social Network' sequel-ah Capitol buaina tarlang dawn

'The Social Network' hlawhtlinna atana mi pawimawh, Academy Award-winning writer, Aaron Sorkin chu sequel siam turin a inbuatsaih leh mek a, hetah hian US democracy chungchanga Facebook-in nghawng a neih dan te, January 6-a Capitol building-a buaina chhuaka Facebook inrawlh dante pho lan a tum.

"The Town" podcast-ah Sorkin chuan a project thara social media lian beih chhoh a tum chungchang hi a sawi lang a, "January 6-a buaina chhuakah khan Facebook hi a mawhphurtuah ka puh a ni," a ti. Facebook kalphung chipchiar taka an zir chhohna tarlan a tum thu a sawi. Film sequel-ah hian original director, David Fincher a tel leh dawn em tih erawh sawi chian a la ni lo.