Netflix-ah Scooby-Doo Live-Action series

Scooby-Doo live-action series chu Netflix-ah en theih a ni thuai dawn nia sawi a ni.

Darkar khat awh drama project atan hian inremna an tifel hnai tawh nia sawi a ni a, a plot lam Hanna-Barbera cartoon behchhana siam a ni dawn tih bak chu an la zep rih. Warner Bros Television-in a produce dawn a ni. Josh Appelbaum leh Scott Rosenberg-te chu writer bakah co-producer an ni bawk ang. He project hi Scooby-Doo live action hmasa ber a ni lo a, kum 2002 khan Freddie Prinze Jr., Sarah Michelle Gellar, Matthew Lillard, leh Linda Cardellini-te channa 'Scooby-Doo' chu tihchhuah ni tawhin, box office lamah pawh a che ṭha hle a, USD mtd 250 chuang daih a la lut thei a ni. Kum 2004-ah a sequel “Scooby-Doo: Monsters Unleashed" chhuakin USD mtd 180 a hmu chhuak a, hei bakah live-action TV film “Scooby-Doo! The Mystery Begins” leh a sequel pawh a lo chhuak tawh bawk.