Republic Vengin Miss Mizoram Jennifer-i chawimawi

Republic Veng Branch YMA chuan April 30, Thawhlehni zan khan Community Hall No. 2-ah Kumpuan Hawnna an nei a, vengchhung tihmingṭhatu mi pangate hnenah chawimawina an hlan a, an zingah hian Miss Mizoram 2024 Jennifer Lalrinzuali Renthlei a tel.

Miss Mizoram Jennifer chuan, "Hlawhtlinna kawnga kan kal lai hian, hlawhchham châng leh tlûk chângte pawh kan nei ṭhin. Kan hlawhchhamnate inzirna atana kan hman chuan kan ding chhuak leh dawn a ni," tia sawiin, Grand Finale zana Republic Venga hmuaktu Branch YMA, Local Council leh MHIP-te hnenah lawmthu a sawi bawk.