Vocalist thar nen Linkin Park-in world tour neih tum

Linkin Park member pathumte chuan 2025-ah reunion tour neih dan tur an ngaihtuah mek a, hei bakah hian singer fam ta Chester Bennington thlaktu tur hmeichhe vocalist rawih an tum bawk.

Mike Shinoda, Brad Delson leh Dave Farell-te hian Bennington thlaktu atan hian tu nge an rawih dawn an la sawi lo a, April thla tir lam khan Evanescence frontwoman Amy Lee chu lead vocal atan hian an ruai dawn nia sawi thawm a awm a, Linkin Park fan-te pawh an lawm hman hle. Mahse Amy chuan band hian an la be pawp lo tih sawiin, an sawm a nih chuan hun nei tam lo viau mah se, part-time anga a tih theih tur thu leh, a tan chuan thil lawmawm tak a nih tur thu a sawi. Linkin Park hi 2000's chhoa rock group hlawhtling ber pawl niin, an albumte hi US bikah copy mtd 29.4 chuang an hralh a, Billboard 200 chart-ah no. 1 ni thei album paruk an nei bawk a ni.