Red One set-a Dwayne Johnson chet dan sawisel

Wrestler-turned-actor, Dwayne 'The Rock' Johnson chu a film thar tur, 'Red One' an channaah a che professional lo hle tiin sawisel a tawk.

Amazon MGM Studios film siam an channaah hian Dwayne Johnson hi a tlai deuh ziah a, a chang phei chuan darkar 8 zette'n a tlai a, a chanpui dangte tan pawh a buaithlak hle a ni. Ni khatah darkar 4-5 vel bak hun a pe duh lo a, hei vang hian an chan hun pawh a rei phah a, budget pawh a san phah hle bawk. He film siamna atana senso hi USD mtd 250 vel zet a tling chho dawn niin an sawi. Hetih lai hian Dwayne Johnson tlai chin hi thil thar a ni lo a, a film dangah pawh hun a vawng dik lo thei hle nia sawi a ni. 'Red One' hi kumin November thlaa tihchhuah tum a ni a, he film-ah hian Chris Evans, JK Simmons leh Lucy Liu te pawh an chang.