Clash of Clans game-ah Erling Haaland

Khawvela mobile games lar berte zinga mi, Clash of Clans chuan character thar a nei a, chu chu Manchester City football star Erling Haaland a ni e.

Game developer, Supercell chuan Haaland animated version hi game-ah hian Barbarian King a ni dawn tih an sawi. Nimin aṭang khan player-te chuan Norwegian striker hi an recruit thei a ni. Haaland character hi he game-a mihring tak tak behchhana an siam hmasak ber a ni.

Kum 23 mi, Haaland hi Clash of Clans fan a ni hrim hrim a, game character-a telh a ni chu a lawm thu social media-ah sawiin, game trailer pawh a post bawk a ni. Haaland hi video game lama a lan vawi khatna a ni lo a, Fifa tia hriat thin, EA FC 24 cover star pawh a lo ni tawh bawk.