Billboard chart-ah GN'R 'Welcome to the Jungle' che ṭha zel

Guns N' Roses-in kum 1987-a an tihchhuah, 'Welcome to the Jungle' chuan an release aṭanga kum 36 hnuah Billboard chart-ah a che ṭha zel.

Kar liam ta khan 'Welcome to the Jungle' hi Hard Rock Digital Song Sales chart-ah no. 5-ah a rawn lang a, streaming platform lamah pawh a che ṭha a, Hard Rock Streaming Songs chart-ah no. 22 a ni bawk. GN'R hlate hi tun thlengin an la lar hlawm a, Billboard chart-ah hian an la lanpui ve reng hlawm a ni. An hit dang, “Sweet Child O’ Mine” pawh Hard Rock Digital Song Sales chart-ah hian no. 9 la niin, kar 617 chu chart-ah hian an lanpui tawh a,streaming lamah pawh no. 7 a ni bawk.