WhatsApp-ah message 3 a pin theih tawh

WhatsApp chuan message pin theih zat chu pakhat aṭangin pathumah a tipung. Pinned message-te hi chat-naah a chung berah awmin, dah hun chhung hi a thlan theih a ni. March thla khan beta version bikah enchhin phawt a ni a, hemi hnu hian user zawng zawng tana hman theih turin an chhawp chhuak ta a ni.

WhatsApp hian tun hnaiah ṭan a la chho hle a, feature thar pawh a enchhin belh zel a, tunah hian Communities tan feature thar, ‘Events and Replies’ chu a enchhin leh mek. He feature hmang hian user-te chuan event hi an siam thei a, member dangte'n an RSVP thei dawn a, group-a awm zawng zawngte chuan event neih tura kal thei turte chu an hre thei dawn a ni. Meta chuan kum 2022, November khan WhatsaApp-ah Communities hi a siam a, event feature a siam thar hi Communities-ah hian hman hmasak ni phawtin, a hnuah group zawng zawnga hman theih tura dah chhoh a tum.