Women's Polytechnic-in project display nei

Women’s Poly-technic-a Garment Technology Department, 2024 batch chuan nimin khan Project Display an nei a, Apex Bank chairman Lalnunsanga chu chief guest niin, LESDE director Angela Zothanpuii chu guest of honour a ni.

​Garment Technology, final student-te hi an final semester-ah project pahnih – Project Display leh Garment Production hmangin marks lak a ni ṭhin a, semester tir tê aṭanga an thil lo zirte aṭanga inbuatsaihin an kutchhuakte an pholang ṭhin. Nimina Project Display an neiha model-te hi a tam zawk chu Women’s Polytechnic, Aizawl zirlaite niin, model-te sam leh hmai hi Beauty Culture & Cosmetology zirlai, 4th & 6th semester-te'n an cheisak.

Women’s Polytechnic, Aizawl hi - 3 years Diploma Certificate, All India Council for Technical Education(AICTE) approved niin, Higher & Technical Education Department, Government of Mizoram hnuaia awm a ni.