Sia-in a hming thlak a tum

Australian singer, a landan danglam tak avanga sawi hlawh tak, aw dangdai tak nei Sia chuan a hming thlak a tum a, court-ah dilna pawh a thehlut tawh.

Sia hian a hming 'Sia Kate Furler' tih chu a pasal surname hmangin, 'Sia Bernad' tia thlak a tum a ni. Sia leh Bernad-te hi nikum May thla khan Portofino, Italy-ah an innei a, Dan hi Sia pasal pahnihna niin, a hmain documentary filmmaker Erik Anders Lang a lo nei tawh a, kum 2016 khan an inṭhen a ni. Khawvel huapin lar mah se, Sia hian a mimal nun chungchang hi a sawi lang khat ṭhin hle a, mahse tun hnaiah erawh a sawi ve zauh zauh tawh a ni. A perform-naah a hmel lang lo turin sam lem a vuah ṭhin a, nikum October 1 khan 5th annual Daytime Beauty Awards-ah a ṭum khatna atan sam lem vuah loin a rawn inlan a ni.