Dua Lipa album thar an fak

Dua Lipa studio album pathumna, 'Radical Optimism' chu a ngaihthlatuten an fak nghal hle a, summer album ṭha ber ti tein an sawi.

British singer/song-writer hian nimin khan a album thar hi iTunes, Amazon Music, Spotify leh music streaming platform hrang hrangah tichhuakin, hla 11 a awm. He album hi kum 2020-a 'Future Nostalgia' hnua a album tihchhuah leh hmasa ber a ni a, album-a hla ṭhenkhat 'Houdini', 'Training Season' leh 'Illusion' te chu a lo tichhuak tawh a ni. March thlan khan covert art pawh a lo tlangzarh tawh bawk. Lipa hian 2024 Glastonbury Festival headline turin a inbuatsaih mek bawk a, festival hi May 26-30 hian Worthy Farm-ah neih a ni dawn a, he hunah hian SZA, Coldplay leh Burna Boy-te pawh headline tur zingah an tel.