TXT Yeonjun-a'n ṭanpuina sum tam tak hlan

South Korean boy group, TXT member Yeonjun chuan an rama kangṭhelhtu, firefighter-te tanpui nan sum ṭhahnem tak a pe.

Hallym Burn Foundation chuan thuchhuah siamin, Yeonjun hian an ram pawisa won mtd 50 (USD 36,000) chu firefighter-te puihna leh thuam chakna turin a pe tih a tarlang. Ṭanpuina sum a pek hi medical leh nursing expense atan leh, 'Firefighter Trauma 110 Program' atan hman a ni ang. He programme hi Hallyum Burn Foundation hian nikum aṭanga a kalpui ṭan niin, an hnathawh kaihhnawiha taksa leh rilru lama harsatna tawk, firefighter-te puihna tura a duan a ni. Mental health lam an thupui ber a nih rualin, damdawi lama an inenkawlnaah pawh a pui ṭhin bawk. TXT hian ACT : PROMISE world tour an neih tur chu nimin khan Olympic Park, Bangi-dong, Seoul-ah an kick off a, hei hi world tour vawi thum an neihna tur a ni. US-a khawpui pariat leh Japan-a khawpui paliahte an nei dawn a ni.