Billboard Hot Christian Songs no. 1-ah 'Praise'

Billboard-in kar liam ta chhunga US-a Kristian hla lar a thlan chhuah, Hot Christian Songs chart-ah 'Praise' chu no. 1 a ni.

Chart dang a siam dan ang bawkin Billboard hian Hot Christian Songs thlanna atan hian download, streaming data bakah radio stations-a airplay zatte chu tehkhawngah a hmang a ni.

No. 1 hauhtu 'Praise' hi Elevation Worship Featuring Brandon Lake, Chris Brown & Chandler Moore hla a ni a, he hla hi nikuma an live album tihchhuah 'Can You Imagine' tiha mi a ni. American contemporary worship band, Elevation Worship hi Charlotte, North Carolina-a Elevation Church-a mite niin, kum 2007-a din an ni a, tuna member ni mekte chu - Chris Brown, Jonsal Barrientes, Jenna Barrientes, Tiffany Hudson, Davide

Mutendji leh Isaiah Templeton te an ni. Kar tinin an Biak Inah hian worship service an nei ṭhin a, hei bakah US hmun hrang hrangah concert leh tour-te pawh an nei bawk a, an album-te hi US-ah copy maktaduai 2.5 chuang an hralh tawh a ni. 'Can You Imagine' album hi an tihchhuah tirh hian Billboard Top Christan Album charts-ah pawh no.1 an nihpui a ni. An band hian July leh August thla hian Praise Party tour neih an tum.