UNICEF India National Ambassador-ah Kareena Kapoor Khan

UNICEF India chuan Bollywood star, Kareena Kapoor Khan chu National Ambassador atan a ruat.

Kareena hi actor a nih bakah khawtlang tan pawh a thawk nasa viau a, UNICEF India nen pawh hian kum 2014 aṭang khan lo thawk dun tawhin, girls' education, gender equality, immunization leh breastfeeding chungchangah te pawh hma an la ho tawh a ni. UNICEF India National Ambassador atana ruat a ni chu a tan a hlu hle tih sawiin, hemi rual hian mawhphurhna pawimawh tak a keng tel tih sawiin, India rama naupangte'n an dikna chanvo an hmuh theih nan he mawhphurhna an pek hi a pawm tih a sawi bawk. Fa pahnih a nei tawh a, nu a nihna angin naupangte ngaihven leh dah pawimawh a ṭulzia a hriat thu a sawi a, naupangte'n mahnia ngaihdan puak chhuak an neih a, hmathlir thui tak an neih theihna turin anmahnia inrintawkna neihtir thu a ṭul hle a ni, a ti.