Swift-in a mention hnuah Charlie Puth-a'n hla thar nei dawn

Taylor Swift-i'n a album thar ber, 'The Tortured Poets Department'-a a title song-ah Charlie Puth rawn fakin, 'We declared Charlie Puth should be a bigger artist' a rawn ti a, hemi hnu hian Puth chuan single thar, 'Hero' a tichhuak dawn tih a puang ve leh nghal.

Puth hian Zirtawpni liam ta khan a hla thar hi May 24-ah a tichhuak dawn tih a Instagram page-ah puangin, hei hi a album thar tura a single hmasa ber a nih thu a sawi bawk. 'Hero' chu a ṭhian pakhat tana a phuah a nih thu leh, hun eng emaw chen tichhuak mai ngam loin a hard drive-ah a dah reng tih a sawi. Mahse Swift-in a mention chungchangah, 'Tu emaw chuan ka release ngei a ngai tawh tiin sign min rawn pe ta niin ka ngai,' tiin release a tum tak thu hi a sawi. Swift chauh hi Puth faktu a ni lo a, Matty Healy of 1975 chuan Puth hi a hmain a lo fak tawh bawk. Puth album tihchhuah hnuhnung ber chu 2022-a 'Charlie' kha niin, Billboard 200 chart-ah no. 10 a thlenpui a ni.