Lovers & Friends Festival 2024 an ṭhulh

Las Vegas-a Inrinni liam taa Lovers & Friends Festival 2024 neih tum chu khaw chin ṭha lo avangin an ṭhulh.

Ni khat awh tur festival hi Las Vegas Festival Ground-ah neih tum a ni a, perform tur hming pawh a hraw hlawm hle. Mahse Zirtawpni zan khan organiser-te chuan National Weather Service-in thli na tak a tleh tur thu warning a tihchhuah avangin, outdoor event buatsaih a chi loh tih an sawi a, festival ṭhulh a nih thu hi an puang a ni. Lovers & Friends lineup-ah hian superstar-ho an lang nasa a, an zingah hian Lil Wayne, Snoop Dogg, Gwen Stefani, Nas, Alicia Keys, Nelly Furtado, Ludacris, Mary J. Blige, Ciara, TLC leh Timbaland-te an tel. Usher pawh a classic album 'Confesson' 20th anniversary lawmna puala inlan tur a ni a, ṭhulh a ni ta chu pawi a tih thu a sawi.