Dua Lipa-i'n a fan-te surprise

British singer/songwriter Dua Lipa chuan 'Radical Optimism' album thar a tihchhuah hnuah, Pathianni zan khan New York-a Times Square-ah a fan-te a surprise a, live performance a nei.

Times Square-a a fan nuai khat vel pung khawmte hmaah Lipa hian a album thar bera a hlate pawh a sa a ni. A concert neih tur hi a hmain engmah a puangzar lawk lo a, ṭan hma darkar tlemte awmah X lamah a sawi chhuak chauh a ni. Dua Lipa hian May 3 khan a studio album pathumna, 'Radical Optimism' hi a tichhuak a, hla 11 awmin, a fan-te bakah critics lam fak pawh a hlawh viau a ni. Times Square-a free concert a neih hma, Inrinni zan khan Lipa hian a ṭum khatna atan Saturday Night Live a host a, musical guest a ni nghal bawk.