'Titanic' leh 'Lord of the Rings' star Bernard Hill a thi

Khawvel huapa film lar, 'Titanic' film-a Captain Edward Smith lema chang leh, 'The Lord of the Rings'-a King Theoden lema chang, British actor Bernard Hill chu an ram huna Pathianni zing khan kum 79 mi niin a thi.

Manchester, UK-a piang Bernard Hill hi BBC television play, 'The Black Stuff' leh a sequel, 'Boys From the Blakstuff'-ah Yosser Hughes lemah changin heta ṭang hian a rawn lar chhuak a, 1983 khan British Academy of Film and Television Arts award-ah nomination a hmu a ni. 'Titanic' leh 'The Lord of the Rings' aṭangin cinema khawvelah a hming a rawn chher lehzual a ni. Film leh television industry lam pawhin an sun hle. Bernard hian a nupui hual Alison leh a fapa Gabriel a kalsan a ni.