Feli Fanai 'Ti ve mai la'

Engtin pawn i ko thei thei, mahse Feli Fanai chuan 'Ti ve mai la' a ti reng dawn! 'Ti ve mai la' tih hi Feli Fanai hla thar a ni a, hla hit tak a nih loh vek pawhin hla hlawhtling tak a nih ngei a rinawm.

Anggu-a hoin Anggu Collection buatsaih mek a ni a, he collection hi album hit tak a nih a rinawm a, tunlaia zaithiam lar ber berte an zai dawn a, chung zingah chuan Feli Fanai hla 'Ti ve mai la' tih hi single-a an zawh hmasak ber a ni a, he hla hi zawh thuai tura beisei a nih laiin, a put ru a, chuvang chuan siam ṭhat leh a ni a, an zo a, an tichhuak leh thei ta a ni.

'Ti ve mai la' tih hi Anggu-a phuah hi a ni a, a hla thu pawh a ngaihnawm a, mi tam tak tan chuan love affair thar awm theihna tur tham niin alang. Hmeichhe pakhatin star deuh mai a nei a, a star chuan chu hmeichhia chu a ngaihvenin a care a, kawng engkimah a support a, a nun dan aṭang chuan mipa chuan hmeichhia pawh chu a duh ve ngei a ni tih a lang. Mahse a duh thu chu ṭawngkain a sawi chhuak hauh lo a, chetzia chauhin a lantir a, chutah chuan hmeichhia chuan 'duh ti ve mai la' tih hi a rilrua lang chu. Hetiang relationship hi awm thei a ni.

A hmain 'Ti ve mai la' hla hi Thangbawiha hoa siam a lo ni tawh a, a music engkim Thangbawiha'n a ruahman tawh a, mahse a put ru a, chuvang chuan an siam thar leh vek a, tunah an peih ta a ni. Tuna an siam ṭhat leh hi a music lam Lal K. Sailo kutchhuak a ni. Music video an siam chungchangah Feli Fanai chuan 'Hla phuahtu leh neitu Anggu a fakawm a, kawng engkimah min pui a ni mai lo a, aman hma a hruai a, keiman ka zui ve a ni chauh zawk. Video shooting kan neihnaah te pawh, amah mai bakah model-a kan hman mipa hian nasa takin min pui a, anni zarah kan puitlin a ni," a ti. Wardrobe hi Achhani Innovative Dresses a ni a, a chungah Feli a lawm hle.

Feli Fanai bik hian album a tihchhuah tawh mai bakah hla pawh 10 vel zet a ti≠chhuak tawh. Programme a ngah reng a, hmachhawp tam tak a neih zingah Myztic Sailo nena an thawhdunna hi ngaihthlak a chakawm. Myztic Sailo hian Feli Fanai aw mil tur leh a zai dan mil turin hla a phuah a, hei hi Feli Fanai hmachhawp zingah chuan kan hmuh hmasak tur leh nghahhlelhawm a ni. A tihchhuah hun tur a la sawi thei lo.