Edu Fest neih a ni leh dawn

Kum danga lo tih tawh ṭhin angin kumin hian Lynchpin chuan Edu Fest a buatsaih leh dawn a, naktuk, Thawhlehni leh Nilaini te hian Assembly Annex-ah neih a ni ang.

Edu Fest 2016-ah hian college ṭha tak taka proffesor ten zirlaite tan a thlawnin career sensitization neihpui an tum dawn a, hei bakah hian a huaihawttute chuan eizawnna subject hrang hrang lecture sawi turin state pawna college leh university ṭhaa professor leh mithiam dangte an chah chhuak a, chhim turin zirlai te an sawm a ni.

Kumin hian institution 30 vel an rawn tel dawn a, spot admission, free counseling a ngai angin an pe vek ang. Edu Fest chhung hian Career Niche neih a ni dawn a, hetah hian khawvel competition kara inhaichhuah dan te, education thil te mithiam parukten chuan an sawipui dawn. Hna kalphung, hna zawn dan leh a kaihhnawihte lecture an pe ang a, result nghak mek, college zirlai leh
ṭhalaite tan a pawimawhin a ṭha hle dawn a ni. Edu Fest Career Niche seminar hi luh man a awm lo a, Thawhlehni leh Ni≠lai≠ni chawhma 11 aṭanga chhun 12:30 leh chawhnu 2 aṭanga tlai 3:30 te neih ṭhin a ni ang a, hemi chhung hian Edu Fest pangngai pawh a kal reng tho dawn a ni.

Edu Fest tlawhtute tan lucky draw siam leh a ni dawn a, selfie stick, smartphone, pendrve leh SD card te ni tin man theih a ni dawn a ni.