Ni tin hi nute pual - Lucy Liu

Pathianni kha Nute Ni (Mother's Day) a ni a, hemi chungchangah actress Lucy Liu chuan ni tin mai hi nute ni a ni a ti. Lucy Liu hian fapa a neih hnua Nute Ni a hman hmasak ber a ni a, a fapa hi Rockwell a ni a, thla riat mi a ni. "Tunah chuan a vak thei tawh a, a vak kual reng mai" a ti. Fa a neih hian a nun nasa takin a thlak danglam tih sawiin, a nun a hlim lehzual hle tih a sawi a, a tan chuan ni tin mai hi nute ni a ni tawh a, nun thar leh hlimna thar a tawng ziah ṭhin niin a sawi.