Judas Priest-in album thar an buaipui mek

British heavy metal band Judas Priest chuan an album 19-na tur an buatsaih mek tih an guitarist Richie Faulkner chuan a twitter-ah a sawi.

Richie hian studio-a a band mate pahnih Glenn Tipton leh an vocalist Rob Halford-te nen an awm dunlai thlalak twitter-ah a pho lang a, 2020-a hla thar tur kan buaipui mek tih caption-ah a tarlang bawk. 

Halford pawhin a hmain interview-naah kumin chhungin hla thar emaw album thar emaw an tihchhuah hman a beisei thu sawiin, album thar an tichhuak dawn em tih erawh a sawi chian ngam loh thu a lo sawi tawh a ni. Mahse an guitarist berin an vocalist hoa studio-a hla thar an buaipui lai a tarlan takah chuan album thar pawh hi an tihchhuah thuai a rinawm. 

Kum 2018 March 9 khan Judas Priest hian an album 18-na 'Firepower' an tichhuak a, tuna album title tur an la tlangzarh loh hi hemi an album 19-na tur a ni ang. Khawvel hmun hrang hrangah tour nei mek mah se Richie chuan,"Tour hi kan band thil tum ber a ni lo a, hla thar neih belh zel erawh kan tum a ni," tiin a sawi.