Drake 'lalropuia' a ni ber e

Album hralh hnem ber a nih hi chu thilmak a ni hran lo a, copy maktaduai khat chuang an hralh leh, streaming lama record a siam hi chu Drake pawhin ropui a ti ve ang. Drake-a album thar 'Views' chu Billboard album chart-ah pakhatna a ni a, chu mai bakah streaming record a siam bawk.

Drake album thar 'View' hi kar liam ta chhung khan copy maktaduai 1.04 zet a hralh a, heng zinga copy 852,000 hi chu tunhmaa album ang kha a ni a, a bak hi album tlukpui a ni. Drake tan chuan Billboard album chart-a pakhatna hauh thei a album parukna a ni ta der mai.

Kumina album tihchhuah tawhah chuan View hi hralh hnem ber a la ni a, kum 2013-a Justin Timberlake-a'n The 20/20 Experience album, kar khat chhunga copy maktaduai khat chuang a hralh hnua mipa zaithiam zinga copy maktaduai khat hralh tling leh hmasa ber a ni.

Internet streaming lamah a turu a, US-ah ringawt vawi maktaduai 254.1 zet stream a ni a, chawlhkar khat chhung≠a album an stream nasat ber a rawn ni thei. A hmaa an stream nasat ber chu Justin Bieber-a album 'Purpose' kha a ni a, kar khat chhungin vawi maktaduai 100 an play a ni.

Beyonce Knowles album 'Lemonade' chu pahnihnaah a awm a, copy 321,000 zet a la hralh tling. Zaithiam fam ta, Prince album 'Purple Rain' leh 'The Very Best of Prince' te chu pathumna leh palinaah an awm a, Rihanna album 'Anti' chu panganaah a la lang thei bawk.

Billboard album chart

"Views" - Drake (1.040,000)

"Lemonade" - Beyonce Knowles (321,000)

"Purple Rain" - Prince (75,000)

"The Very Best of Prince" - Prince (70,000)

"Anti" - Rihanna (51,000)

"The Electric Warlock Acid Witch Satanic Orgy Celebration Dispenser" - Rob Zombie (41,000)

The "Now 58" Album - Various Artists (37,000)

"Traveller" - Chris Stapleton (31,000)

"Purpose" - Justin Bieber (29,000)

"25" - Adele (28,000)