Mizoram Choir-in sawmna an dawng

YouTube-ah video an dah a, chumi hmang chuan Mizoram Choir hian hriat an hlawh a, hriat an hlawhna avang chuan SPIC Macay 4th International Convention-ah hun hmang tura sawmna an dawng.

Mizoram Choir hi SPIC Macay 4th International Convention-ah hian minute 20 chhung hun pek an ni dawn. He convention hi May 9-15 chhunga Guwahati IIT Campus-a neih tur a ni a, India ram hmun hrang hrang aṭangin zirlai, kum 13 aṭang 26 te an fuankhawm dawn a ni. Hetah hian Mizoram Choir mai bakah hian India ram hmun hrang hrang aṭangin zaithiam 200 chuang zet an kalkhawm dawn. Mizoram Choir-a an chairman hi Lalchhawrkima a ni a, tunah hian audio album tur pawh an buatsaih mek.