Met Gala 2024 neih a ni

'Fashion biggest night' tia sawi ṭhin, Meta Gala 2024 chu Thawhṭanni zan khan neih a ni a, mi lar an fuan khawm leh nasa hle.

Meta Gala hi fashion magazine Vogue huaihawt niin Manhattan, New York City-a Metropolitan Museum of Art-a Costume Institute tana sum tuakna tura buatsaih niin, kum tinin May thla Thawhṭanni hmasa berah neih a ni ṭhin. He hun hi milarte'n an ngaihlu a, fans lam pawhin an nghakhlel thei hle.

Kuminah chuan May 6-ah neih a ni a, theme atan 'Sleeping Beauties: Reawakening Fashion' tih hman niin, official dress code chu 'The Garden of Time' a ni. Met Gala 2024 host hi Zendaya, Jennifer Lopez, Bad Bunny leh Chris Hemsworth te niin, red carpet host chu Gwendoline Christie, La La Anthony, leh Ashley Graham te an ni. Met Gala-a tel tur, guest list hi an puangzar lawk ngai lo a, a tlangpuiin mi 450 vel an tel ṭhin. Kuminah hian ticket man hi USD 75,000-ah an tipung a, nikum khan ticket man hi USD 50,000 a ni. Costume Institute-a an collection-te phochhuah ṭhin niin, fundraising aṭanga an sum hmuh hi kum tinin a pung chho zel a, eight-figure a tling pha ṭhin.