Miss USA 2023 Noelia Voigt a inhnukdawk

Miss USA 2023 ni lai, Noelia Voigt chuan amah thlaktu tur thlan a nih hmain Miss USA a nihna aṭanga a inhnuhdawh thu a puang. Noelia Voigt hi nikum khan Nevada-ah 72nd Miss USA winner-ah puan a ni a, Venezuelan-American hmeichhia zinga Miss USA ni thei hmasa ber a ni.

Utah state-a cheng, kum 24 mi Noelia Voigt hian Thawhṭanni khan Miss USA a nihna aṭanga a inhnuhdawh thu hi a puang a, hei hi mental health lam vang niin a sawi. A thutlukna siam hian larnain pressure nasa tak a siam leh, hemi kara mahni taksa leh rilru hriselna dah pawimawh a ṭul chungchang chuan sawi zui a hlawh phah hle. Miss USA organisation pawhin Voigt chu a thutlukna siamah an thlawp tih sawiin, taksa leh rilru hriselna chu an dah pawimawh ber tih an sawi zui bawk. Organisation hian Miss USA thar tur pawh puan thuai an tum, Miss USA 2023 thlannaa first runner-up, Savannah Gankiewicz chu Miss USA thar atana puan a nih rin a ni. Hetih lai hian Miss USA Pageant 2024 nei turin an inbuatsaih mek bawk a, August 4 hian neih tum a ni.