Billboard chart-ah : Taylor Swift bawk langsar

Billboard 200 album chart-ah Taylor Swift bawk a langsar leh a, a album thar 'The Tortured Poets Department' chu a kar hnihna atan no. 1 a nihpui chhunzawm.

April 19-a a tihchhuah, Swift studio album 11-na, 'The Tortured Poets Department' hian thawm a rawn nei lian hle a, music industry lamah record hrang hrang a rawn siam nghal a ni. A kar hnihnaah pawh US-ah equivalent album unit 439,000 la neiin, he album-a hla 31-te chuan on-demand official stream mtd 428.55 hu an nei. Kum 2015-a Adele '25' hnua a kar hnihna album che ṭha ber dinhmun a rawn huah leh a ni. Traditional album sale pawh 107,000 a la ni.

Morgan Wallen thawm a reh thei lo a, a album 'One Thing at a Time' chu no. 4 aṭangin no. 2-ah a rawn chho, he album hi nikum March 3-a a release daih tawh ni mah se, chart-ah a la lang chhunzawm reng a ni. Future leh Metro Boomin album, 'We Don't Trust You' chu no. 3-ah a tla thla thung a, Beyonce Knowles country album, 'Cowboy Carter' pawh no. 4-ah tla hniamin, Noah Kahan 'Stick Season' chu no. 5-ah a rawn chho ve thung.