Akshay Kumar 'Jolly LLB 3' lakah complaint theh lut

Akshay Kumar leh Arshad Warsi-te film chan lai, 'Jolly LLB 3' lakah complaint theh luh a ni.

Complaint theh luttu hi Ajmer District Bar Association president, Chandrabhan Singh Rathod a ni a, movie producer, director leh actor-te chu an film-ah lawyer leh judge-te fiamthu thawhna atana hmanga puhin Ajmer court-ah complaint hi a theh lut a ni. 'Filmmaker, director leh actor-te hian India ram judiciary an zah lo a ni," tiin Jolly LLB 3 chan mek chu tihtawptir turin a ngen. Jolly LLB film hi kum 2013 khan tihchhuah a ni a, a sequel chu 2017-ah tihchhuah a lo ni tawh bawk. Jolly LLB 3 hi chan mek niin, an chan lai pawhin actor-te'n judge-te chungchang an lantir danah an 'serious' tawk lo a ni, a ti.