Kim K Meta Gala dress vangin doctor-te'n warning tichhuak

2024 Met Gala chu neih zawh a ni ta a, star lar tak tak inlanin an thawmhnaw hakte chuan sawi zui pawh an hlawh hle.

Celebrity-te'n thawm-hnaw mawi leh dangdai tak tak an rawn ha a, ṭhenkhat chu a mawi lo zawngin an viral ve bawk. Reality TV star, Kim Kardashian pawhin John Galliano kawr a rawn ha a, mahse, a corset hak chuan sawi zui a hlawh hle a, doctor-te pawhin warning an tichhuak hial. Corset hian a organ ṭhenkhat a awm lo emaw tih mai turin a kawng chu fek takin a lantir. Mahse health professional-te chuan Kim K corset thlan hi an rawn sawi zui nghal a, NHS GP leh GP Medico-Legal Expert Witness Dr Hana Patel chuan a thawmhnaw inbelin a hnu zela nghawng a neih theih turte a sawi chhuak. Dr Patel chuan corset pawh chip lutuk chuan thawkna lam thlengin a nghawng thei a, nakruh thlengin a tikhaw lo thei a ni, a ti. Royal College of Surgeons of England pawhin corset hman uar chuan a reiah nakruh leh tha zam tikhaw loin, pumpuia chaw pai ṭawihna lam thlengin a nghawng a, hnung lam pangti pawh a tisawng thei dawn tih an sawi bawk.