Sci-fi thriller-ah Samuel L. Jackson leh Henry Golding

Movie legend Samuel L.Jackson leh 'Snake Eyes' star Henry Golding te chu sci-fi thriller 'Head Games' ah an chang dawn.

He film-ah hian Jackson hi tech tycoon, neuroprosthetics firm dintu Graham niin, Golding hi corporate spy, Jacob a ni a, Graham thil hmuhchhuah thar ruksak tumin a personal chef angin a va awm a, an pahniha an inel chhoh dan chanchin a ni. Kumin October thla hian film hi chan ṭan an tum. Samuel L Jackson hi actor ṭha ber zinga chhiar a ni a, a film hrang hrangte hian box office-ah USD tld 27 chuang an la lut tawh a ni. Kum 2022 khan lemchan lama a thawh hlawk avangin Academy Hononary Award hlan a ni.