ASCAP Songwriters of the Year-ah Olivia Rodrigo leh Daniel Nigro

Olivia Rodrigo leh co-writer Daniel Nigro te chu ASCAP Pop Music Songwriters of the Year-ah thlan an ni a, he award hi kum 2022 khan Rodrigo hian a lo dawng tawh bawk.

May 8 zan khan Los Angeles-ah invitation-only event-ah kumina ASCAP Pop Music Award hi neih a ni. Winner hi Luminate Data LLC data aṭanga thlan an ni ṭhin. Rema featuring Selena Gomez 'Calm Down' chu ASCAP Pop Song of the Year atan thlan niin, Publisher of the Year chu Universal Music Publishing Group hlan a ni bawk. ASCAP Global Impact Award dawngtu tur chu a hmaa lo puan lawk tawh a ni a, Charli XCX-in a dawng. Charli hian June 7-ah a solo album parukna, 'BRAT' a tichhuak dawn a, North American tour a nei dawn bawk a ni.